Төрийн орон сууцны корпорацийн захиалгаар баригдаж байсан дуусаагүй зарим барилгыг балансаас балансад шилжүүлэх арга замаар хөгжлийн банкны 54,5 тэрбум төгрөгийн санхүүжилтээр барих шийдвэрийг өнөөдөр засгийн газрын хуралдаанаар гаргалаа. Улаанбаатар хотод Буянт-Ухаа 2-р хороололд баригдаж байгаа 9 давхар 18 блок, 972 айлын орон сууц, Говь-Алтай, Дундговь, Орхон, Хөвсгөл аймгуудад баригдаж буй барилгууд өмнө нь хөгжлийн банкны зээлээр баригдаж байсан ч хугацаандаа дуусаагүй нэмэлт төсөв хөрөнгө шаардагдах болсон юм. Дээрх орон сууцнуудын барилгын ажлыг энэ оны 11 дүгээр сард дуусгахаар болсон байна.