ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ
- Барилга, хот байгуулалтын яам нь “Парисын хэлэлцээрийг хэрэгжүүлэх үндэсний хэмжээнд тодорхойлсон хувь нэмрийн зорилтод дэмжлэг үзүүлэх (Эн Ди Си төсөл)” төслийн хүрээнд “БАРИЛГА, ХОТ БАЙГУУЛАЛТЫН САЛБАРЫН ХҮЛЭМЖИЙН ХИЙН ЯЛГАРЛЫГ БУУРУУЛАХ АРГА ХЭМЖЭЭНИЙ ТӨЛӨВЛӨГӨӨ БОЛОВСРУУЛАХ” ажлыг гүйцэтгэх зөвлөхийн дэлгэрэнгүй жагсаалт гаргахаар төлөвлөж байгаа тул зөвлөх үйлчилгээ үзүүлэх 3-аас доошгүй хүнтэй баг (хувь хүн)-ийг саналаа ирүүлэхийг урьж байна.
- Саналаа ирүүлж буй зөвлөх баг нь уг зөвлөх үйлчилгээг гүйцэтгэх чадвартайг нотлох дараах мэдээллийг ирүүлнэ. Үүнд:
- Ижил төстэй ажил, зөвлөх үйлчилгээ гүйцэтгэж байсан туршлага ба түүнийг нотлох баримт, мэдээлэл, танилцуулга;
- Багийн ахлагч болон гишүүдийн иргэний үнэмлэх болон боловсролын диплом, мэргэжлийн үнэмлэхийн хуулбар, чадвар туршлагын талаарх мэдээллийг тус тус ирүүлнэ.
Багийн ахлагч болон гишүүдэд тавигдах чадварын шалгуурын үзүүлэлт:
| № |
Албан тушаал |
Тоо |
Мэргэжил, боловсрол |
Туршлага |
| Багийн ахлагч |
||||
| 1 |
Барилга, хот байгуулалтын салбарын бодлогын зөвлөх |
1 |
Хот төлөвлөлт, барилга, халаалт, агаар сэлгэлтийн мэргэжлийн “зөвлөх” түүнээс дээш зэрэгтэй байх
|
- Барилгын эрчим хүчний бодлого, хэмнэлт, ногоон барилга, эрчим хүчний хэмнэлттэй технологийн чиглэлээр нэгээс доошгүй төсөл, хөтөлбөрт зөвлөх үйлчилгээ үзүүлсэн байх; - Салбарын болон салбар хоорондын бодлогын судалгаа, шинжилгээ хийх, бодлого, хөтөлбөр, төлөвлөгөө боловсруулах, төлөвлөх, төсөвлөх зэрэг чиглэлээр ажиллаж байсан туршлагатай байх. |
| Багийн гишүүд: |
||||
| 2 |
Тооцооллын зөвлөх (эрчим хүчний хэмнэлт, хүлэмжийн хийн ялгарлын тооцоо) |
1 |
Барилга, эрчим хүч, байгаль орчны чиглэлээр магистр ба түүнээс дээш зэрэгтэй;
|
- Мэргэжлээрээ 5-аас дээш жил ажилласан байх; - Уур амьсгалын өөрчлөлт, хүлэмжийн хийн ялгарлыг бууруулах, цэвэр хөгжлийн механизм, эсвэл ижил төстэй төсөл, хөтөлбөр дээр эрчим хүчний хэмнэлт, хүлэмжийн хийн ялгарлын бууралтын тооцоо, тооллого хийж байсан туршлагатай байх; - Хэмжих, тайлагнах, нотлох системийн үйл ажиллагааны аргачлал, аргазүйн чиглэлээр холбогдох баримт бичиг боловсруулж ажиллаж байсан туршлагатай байх. |
| 3 |
Санхүү, эдийн засаг, хөрөнгө оруулалтын зөвлөх |
1 |
Эдийн засаг, санхүүгийн мэргэжлээр магистр ба түүнээс дээш боловсролын зэрэгтэй
|
- Барилга хөрөнгө оруулалт, төслийн менежмент, салбарын эсвэл салбар хоорондын томоохон төсөл, хөтөлбөрт үнэлгээ, төсөв, тооцоо, хөрөнгө оруулалт, санхүүгийн шинжилгээ хийх зэрэг чиглэлээр зөвлөх үйлчилгээ үзүүлж байсан туршлагатай байх; - Уур амьсгалын өөрчлөлтийг сааруулах, эрчим хүч болон хүрээлэн буй орчны эдийн засгийн судалгаа, эсвэл ижил төстэй төсөл, хөтөлбөр дээр ажилласан туршлагатай байх. |
- Зөвлөхийн дэлгэрэнгүй жагсаалтад хамрагдсан зөвлөхүүдээс “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай” хуулийн 14 – 16 дугаар зүйлийн шаардлага болон захиалагчаас тогтоосон чадавхийн үзүүлэлтийг хангасан зөвлөхийг захиалагч сонгож, хураангуй жагсаалт гаргана.
- Зөвлөх үйлчилгээний талаарх нэмэлт мэдээллийг 2020 оны 09 дугаар сарын 21-ны өдрийн 11 цаг 00 минут хүртэл захиалагчаас авч болох бөгөөд саналаа дор дурдсан хаягаар 2020 оны 09 дугаар сарын 22-ны өдрийн 11 цаг 00 минутаас өмнө ирүүлнэ үү.
Монгол улс, Улаанбаатар 15170, Чингэлтэй дүүрэг, Барилгачдын талбай 3, Засгийн газрын 12-р байр, Барилга, Хот Байгуулалтын яам, 4 давхар, 407б тоот, Утас: 7555-2043-(4), 95089957
И-мэйл: khatantuul.battur@undp.org