Барилга,хот байгуулалтын сайд Б.Мөнхбаатар Бүгд Найрамдах Франц Улсаас Монгол Улсад суугаа онц бөгөөд бүрэх эрхт элчин сайд Филипп Мерлинийг хүлээн авч уулзлаа. Уулзалтын эхэнд сайд Б.Мөнхбаатар Монгол Улс БНФУ-ын хамтын ажиллагааг шинэ түвшинд хүргэх эрмэлзэлтэй байгаагаа илэрхийллээ.

Уулзалтын үеэр хамтран ажиллаж буй төсөл, хөтөлбөрийн хэрэгжилтийн талаар мэдээлэл солилцож түүнчлэн дагуул хотын төлөвлөлт, бүтээн байгуулалтад БНФУ-ын туршлагыг судлах, түүх, соёлын дурсгалт барилга, байгууламжийн хадгалалт, хамгаалалтын чиглэлээр хүний нөөцийг бэлтгэх талаар хэлэлцэж санал солилцлоо. БНФУ-аас уг асуудлыг дэмжин хамтарч ажиллахаа илэрхийлсэн үр дүнтэй уулзалт болж өнгөрлөө.